கனி-விமலநாதன் (இயற்பெயர்: சின்னையா ரிட்ஜ்வே விமலநாதன்). சென்னை 600 017: மணிமேகலைப் பிரசுரம், தபால் பெட்டி எண் 1447, 7(ப.எண் 4), தணிகாசலம் சாலை, தியாகராய நகர், 1வது பதிப்பு, 2005. (சென்னை 94: ஸ்கிரிப்ட் ஆஃப்செட் பிரிண்டேர்ஸ்). 128 பக்கம், விலை: இந்திய ரூபா 35.00, அளவு: 17.5×12.5 சமீ. ஏலியன்ஸ் எனப்படும் வேற்றுக்கிரக ஜீவராசிகள் பற்றிப் பேசும் இந்நூலில் விண்வெளி, வேற்றுக்கிரக மனிதர்கள்- பழைய சான்றுகளில் பார்வை, வயல் வட்டங்கள், வேற்றுக்கிரக மனிதர்களின் விமான விபத்துக்கள், றொஸ்வெல் விவகாரம், றொஸ்வெல் விவகார முடிவு, இன்னமும் சில, முடிவாக, உயிரினத்தின் தோற்றம், வெளிக்கிரகவாசிகள் என்பது சாத்தியமா?, வெளி உலகவாசிகளுடன் தொடர்புகள், வேற்றுக்கிரக மனிதர்கள் -சான்றுகள் ஆகிய 12 கட்டுரைகளின் வாயிலாக வேற்றுக்கிரக மனிதர்கள் பற்றிய பல்வேறு தகவல்களை ஆசிரியர் பதிவுசெய்துள்ளார். பேராதனைப் பல்கலைக்கழக விஞ்ஞானப் பட்டதாரியான விமலநாதன் யாழ்ப்பாணத்தைப் பிறப்பிடமாகக் கொண்டவர். இலங்கையில் கணித, பௌதிக ஆசிரியராகப் பணியாற்றிய பின்னர் கனடாவிற்குப் புலம்பெயர்ந்து சென்று அங்கு குடும்பத்தினருடன் வாழ்ந்து வருகிறார். (இந்நூல் கொழும்புத் தமிழ்ச் சங்க நூலகத்தில் பார்வையிடப்பட்டது. சேர்க்கை இலக்கம் 32799).
12734 – வடகோவை சபாபதி நாவலரின் நான்மணிகள்.
.யோகேஸ்வரி சிவப்பிரகாசம் (தொகுப்பாசிரியர்). அல்வாய்: ஜீவநதி வெளியீடு, கலை அகம், அல்வாய் வடமேற்கு, 1வது பதிப்பு, ஆடி 2016. (பருத்தித்துறை: பரணி அச்சகம், நெல்லியடி). viii, 156 பக்கம், விலை: ரூபா 400., அளவு:
