கொழும்புத் தமிழ்ச் சங்க ஆட்சிக்குழு. கொழும்பு 6: சங்கப் பணிமனை, கொழும்புத் தமிழ்ச் சங்கம், இல. 7, 57ஆவது ஒழுங்கை, உருத்திரா வீதி, வெள்ளவத்தை, 1வது பதிப்பு, 1969. (கொழும்பு-6: இராசா அச்சகம், பாமன்கடை).
8 பக்கம், விலை: குறிப்பிடப்படவில்லை, அளவு: 21.5×14.5 சமீ.
1942ம் ஆண்டு மார்ச் மாதம் 22ம் திகதி ஆரம்பிக்கப்பட்ட கொழும்புத் தமிழர் முன்னேற்றக் கழகம், 1945இல் கொழும்புத் தமிழ்ச் சங்கம் எனப் பெயர் பெற்றது. இச்சங்கத்தின் 1968-1969 ஆண்டுக் காலகட்டத்துக்குரிய 27ஆம் ஆண்டறிக்கை நூலுருவில் பிரசுரிக்கப்பட்டுள்ளது. இவ்வறிக்கை 29.12.68 முதல் 27.12.69 வரையான காலத்திற்குரியது. இதுவரை காலமும் சங்கத்தில் 215 சாதாரண உறுப்பினர்களும் 83 சீவியகால உறுப்பினர்களும் இணைந்துள்ளனர். அறிக்கையிடப்படும் ஆண்டில் 12 சாதாரண உறுப்பினர்களும் 3 சீவியகால உறுப்பினரும் இணைந்துகொண்டுள்ளனர். இக்காலகட்டத்தில் பொதுச் செயலாளராக திரு. வை.பொன்னுச்சாமி சேவையாற்றியிருந்தார். (இந்நூல் நூலகம் நிறுவன இணையத்தள நூலகத்தில் பார்வையிடப்பட்டது. சேர்க்கை இலக்கம் 5084).
