வி.கே.ரவீந்திரன் (இதழாசிரியர்). மட்டக்களப்பு: மட்டக்களப்பு மாவட்டக் கூட்டுறவுச் சபை, பயனியர் வீதி, 1வது பதிப்பு, ஜுலை 2001. (அச்சக விபரம் தரப்படவில்லை).
(13), 114 பக்கம், சித்திரங்கள், விலை: ரூபா 30.00, அளவு: 21×14 சமீ.
மட்டக்களப்பு மாவட்டக் கூட்டுறவு சபையின் சஞ்சிகையான இணைகரம் தனது இரண்டாவது இதழை ஜுலை 2001இல் (கரம் 1, கதிர் 2) மாணவர் சிறப்பிதழாக வெளியிட்டது. இவ்விதழில் கே.தம்பையா, எம்.எம்.மஃறூப் கரீம், ஆரையூர் இளவல் ஆகியோரின் சிறப்புக் கட்டுரைகளும், மு.ஹ.சித்திவாஸ்மியா, அ.ற.ஹஜானியா ஆகிய மாணவர்களின் பரிசுக் கட்டுரைகளும், சி.கோணேஸ்வரன், ந.நல்லராசா, க.கனகசுந்தரம் ஆகியோரின் கட்டுரைகளும், மட்டக்களப்பு இளைஞர் சேவை மன்ற உத்தியோகத்தரும் எழுத்தாளருமான ஓ.கே.குணநாதனின் நேர்காணலும், மண்டூர் அசோகா, சி.கனகசூரியம், ஆ.கு.கு.முஜிபா ஆகியோரின் சிறுகதைகளும், பிரம்மஸ்ரீ காந்தன் குருக்களின் சிறப்புக் கவிதை உள்ளிட்ட கலாசூரி வெ.விநாயகமூர்த்தி, ம.கிரிசாந்தினி, எருவில் கலிங்கன், மு.மயூரன், மண்டூர் ராம், செ.பாக்கியநாதன் ஆகியோரின் கவிதைகளும் இடம்பெற்றுள்ளன. (இந்நூல் கொழும்புத் தமிழ்ச் சங்க நூலகத்தில் பார்வையிடப்பட்டது. சேர்க்கை இலக்கம் 32276).
