மா.சின்னத்தம்பி. கொழும்பு 6: குமரன் புத்தக இல்லம், 39, 36ஆவது ஒழுங்கை, 2வது பதிப்பு, 2019, 1வது பதிப்பு, 2015. (கொழும்பு 6: குமரன் புத்தக இல்லம், 39, 36ஆவது ஒழுங்கை).
vi, 130 பக்கம், விலை: ரூபா 375., அளவு: 21.5×14.5 சமீ., ISBN: 978-955-659-623-6.
கல்விச் செயற்பாடுகள் நிகழ்கின்ற பாடசாலைகளின் முனைப்பும், தொலைநோக்கும், செயற்பாடுகளும் சமுதாய மாற்றத்தை நோக்கியதாக அமையும்போது மாத்திரமே வளர்ச்சியுடன், சமத்துவமும், சமுதாய நீதியும் வளர்வது சாத்தியமாகின்றது. பாடசாலைகளின் விசையும் தொழிற்பாடும் ஆசிரியர்களின் செயலாற்றுத் திறன்களில் தங்கியுள்ளது. சமுதாய மாற்றம் பாடசாலைகளினாலும், ஆசிரியர் செயலாற்றத்தின் தரத்தினாலும், நிர்ணயிக்கப்படுகின்றது. இந்த வகையில் சமூகநீதி நோக்கிய சமூக மாற்றங்கள் தேவை என்பதை இந்நூலிலுள்ள சமுதாய மாற்றமும் பாடசாலைகளும்/ பின்தங்கிய சமூக பெண்பிள்ளைகளின் கல்வி/ பாடசாலைகளும் தனியார் கல்வியும்/ பாடசாலைகளும் மாணவர் அனுமதியும்/ வகுப்பறைகளில் ஆசிரியர்களின் செயற்திறன்கள்/ ஆசிரியர்களின் தொடர்பாடல் திறன்கள்/ வாசித்தலும் கற்றலும்/ பாடசாலைகளும் தலைமைத்துவமும்/ஆசிரியர் மற்றும் அதிபர்களுக்கான சுயமுகாமைத்துவம்/ சமுதாய விரயமும் ஆசிரியர் பற்றாக்குறையும் ஆகிய பத்து அத்தியாயங்களும் வலியுறுத்துகின்றன.
