திருநாவுக்கரசு கமலநாதன் (பதிப்பாசிரியர்). யாழ்ப்பாணம்: வைத்திய கலாநிதி ஆளுநர் லயன் வை.தியாகராசா வாழ்க்கை நயப்புப் பணிக் குழு, 1வது பதிப்பு, செப்டெம்பர் 2017. (யாழ்ப்பாணம்: அன்றா பிறிண்டேர்ஸ், இல. 379, கஸ்தூரியார் வீதி).
xiv, 327 பக்கம், புகைப்படங்கள், தகடுகள், விலை: குறிப்பிடப்படவில்லை, அளவு: 24.5×18.5 சமீ.
இம்மலரின் நெறிப்படுத்துனராக பேராசிரியர் சபா.ஜெயராசா அவர்கள் இயங்கியுள்ளார். நான்கு இயல்கள் கொண்ட இத்தொகுப்பின் முதலாவது இயலில் கலாநிதி ஆளுநர் லயன் வை.தியாகராசா அவர்களின் வாழ்வும் வளமும் பற்றிய வித்தியாதாசன், தி.கமலநாதன், ஆ.ஸ்ரீஸ்கந்தமூர்த்தி, எஸ்.கே.யோகநாதன், அ.வேதநாயகம், ச.அமிர்தலிங்கம், வே.கா.கணபதிப்பிள்ளை, புவனேஸ்வரி வேல்நிதி, புஷ்பா மகாலிங்கம், இராசையா குகதாசன், மயிலைக்கவி, இ.ஸ்ரீகோபாலகிருஷ்ணன், றிஸ்வி குணதாசன், எஸ்.பரமநாதன், வீ.கே.கணேசலிங்கம், சுனில் வட்டவல, கே.எம்.பத்மநாதன் ஆகியோர் விரிவாக எழுதியுள்ளனர். இரண்டாவது இயலில் சமகாலக் கல்வியில் நுண்ணரசியலும் பெருநிலை அரசியலும் (சபா.ஜெயராசா), யாழ்ப்பாணத்தில் மரபுவழித் தமிழ்க் கல்வி சில குறிப்புகள் (எஸ்.சிவலிங்கராஜா), 21ஆம் நூற்றாண்டுக்கான வகுப்பறைப் பிரயோகம் பற்றிய போதனாத்துவ தலைவர்களின் பங்களிப்பு மட்டம் (சுப்பிரமணியம் பரமானந்தன்), கட்டிளமைப் பருவத்தினரை சுய கற்றலின்பால் ஈடுபடுத்துவதற்குக் கையாளத்தக்க உத்திகள் (ச.லலீசன்), வடக்கு மாகாண தமிழ்மொழி மூலப் பாடசாலைகளில் ஆரம்பக் கல்வி ஒரு கண்ணோட்டம் (சிவானந்தன் நவகாந்தன்), ஈழத்தமிழ் மாணவர்கள் இடைநிலையில் கணிதபாடம் கற்றலில் எதிர்கொள்ளும் சவால்களும் தீர்வுகளுக்கான முன்மொழிவுகளும்-ஒரு கண்ணோட்டம் (விநாயகமூர்த்தி குகநாதன், வரதராஜன் பாலமுரளி), ஈழத்தமிழ் மாணவர்களின் கற்றல் இடர்ப்பாடுகளும் தீர்வுக்கான சில முன்மொழிவுகளும் விஞ்ஞானபாடச் சிந்தனை ஊடான ஒரு பார்வை (பரமசிவன் சிவசுதன்), பாடசாலைக் கல்வியை தமிழ்ச் சமூகத்திற்கான கல்வியாக வென்றெடுக்கத் தவறுகின்றோமா? வடபுல தமிழ் மனோநிலை (தர்ஷன் அருளானந்தன்) ஆகிய ஆய்வுக் கட்டுரைகள் இடம்பெற்றுள்ளன. மூன்றாவது இயலில் ஈழத்தமிழரின் மொழியும் வாழ்வும்: சில தனித்துவங்கள் (அ.சண்முகதாஸ்), வாழ்வினதும் அன்பினதும் சரணாலயமான குடும்பம்: சமகாலச் சவால்களும் எதிர்கால மேம்பாடும் (என்.சண்முகலிங்கன்), போருக்குப் பின்னர் வடபுலத்தில் ஏற்பட்டுள்ள சில பண்பாட்டுப் பிறழ்வுகளும் தீர்வு முன்மொழிவுகளும் (ஆறு.திருமுருகன்), இன்றைய தமிழ்ப் பெண்கள் எதிர்கொள்ளும் சிக்கல்களும் தீர்வுகளும் (மனோன்மணி சண்முகதாஸ்), இலங்கை இந்து வெண்கலச் சிற்பக்கலை மரபினூடாக அறியப்படும் ஆபரணக் கலை மரபு (செ.கிருஷ்ணராசா), ஈழத்தமிழரின் அரசியல் கலாசார செல்நெறிகள்: சமகால ஆய்வு (கே.ரி.கணேசலிங்கம்), ஒரு முழுமுதற் கடவுளும் பரிவாரத் தெய்வங்களும் சமத்துவ, சமூக சோஷலிச நோக்கு (ந.இரவீந்திரன்), சிறுவர் அரங்கிற்கான நாடக எழுத்துருப் படைப்பாக்கம் (குழந்தை. ம.சண்முகலிங்கம்), வட இலங்கையின் வீடமைப்பு முறைமை அன்றிலிருந்து இன்றுவரை: ஒரு கண்ணோட்டம் (சி.குணசிங்கம்), தமிழர் மெய்யியல் மறுவாசிப்புக்கான சில குறிப்புகள் (தி.செல்வமனோகரன்), தமிழிசை வளர்ச்சியில் தமிழிசை இயக்கத்தின் பங்களிப்பு (ஜானகி நடேசமூர்த்தி), விஞ்ஞானம் விளக்கும் மெய்ஞ்ஞானம் (பால. இந்திரக் குருக்கள்), சைவ நெறிமுறையும் அறிவியலும் ஒரு பார்வை (சண்முக சர்மா ஜெயப்பிரகாஷ் சர்மா), கூலித் தமிழ் தேடல்களும் சில கேள்விகளும் (லெனின் மதிவானம்), வியப்பூட்டிச் சிரிக்க வைக்கும் வில்லிசைக் கலை (இராசையா ஸ்ரீதரன்), வடபுல நாகரிக வளர்ச்சியில் கிணற்றின் வகிபங்கு (உலகநாதர் நவரட்ணம்), நூல்விபர ஆவணவாக்கத்தில் ஈழத்தமிழர் பங்களிப்பு சில சான்றுகள் (ஸ்ரீகாந்தலட்சுமி அருளானந்தம்) ஆகிய ஆக்கங்கள் இடம்பெற்றுள்ளன. நான்காவது இயலில் என்.சிவராஜா (Allopathic Medical Practice and Medical Education in Sri Lanka), கணேஷ். எஸ். கணேஷலிங்கம் (Quality control for Economic Growth), மாசிலாமணி பிரபாகரன் (Strategic Leadership for Quality Education), சிவசுப்பிரமணியம் முகுந்தன் (Language Acquisition in the context of English as a Medium of Instruction), கந்தையா ஸ்ரீகணேசன் (Community Language Learning through Culture: A Theatre based Approach), கே.சண்முகநாதன் (Community Language Learning through Culture) ஆகியோரின் ஆங்கிலக் கட்டுரைகள் இடம்பெற்றுள்ளன. (இந்நூல் நூலகம் நிறுவன இணையத்தள நூலகத்தில் பார்வையிடப்பட்டது. சேர்க்கை இலக்கம் 063435).
