மணி வேலுப்பிள்ளை. நாகர்கோவில் 629001: காலச்சுவடு பதிப்பகம், 669, கே.பி.சாலை, 1வது பதிப்பு, டிசம்பர் 2014. (சென்னை 600077: மணி ஓப்செட்).
222 பக்கம், புகைப்படங்கள், விலை: இந்திய ரூபா 200., அளவு: 21.5×14 சமீ., ISBN: 978-93-84641-06-1.
ஆள், இடம், காலம் , மொழி எனும் நான்கு பரிமாணங்களையும் ஊடறுத்து விரையும் இந்நூல், கி.மு.7ஆம் நூற்றாண்டையும் இன்றைய தினத்தையும், மேற்குலகையும் தமிழ்ப் பரப்பையும் ஹோமரையும் காளிதாசனையும், தமிழனுக்கு முன்னால் கொண்டுவந்து நிறுத்துகின்றது. நான்கு பகுதிகளைக் கொண்ட இந்நூலில் பகுதி-1இல் ‘ஒடுக்கப்பட்ட மக்கள்’ என்ற தலைப்பின் கீழ், மறதிக்கு எதிரான நினைவின் போராட்டம், வாக்கு, சுயநிர்ணய உரிமை, ஜெயமோகனின் நூறு நாற்காலிகள் நூறு கதைகளுக்கு நிகர், நொறுங்குண்ட இருதயம், நாங்கள்-அவர்கள் ஆகிய கட்டுரைகளும், பகுதி-2இல் ‘ஆளுமைகள்’ என்ற தலைப்பின் கீழ், சிலிய ஜனாதிபதி அலந்தே (1970-1973), டெங் சியாவோ பிங் (1904-1997), அம்மாவின் காதலன் மாயக்கோவஸ்கி, ரோசா லக்சம்பேர்க் ஆகிய கட்டுரைகளும், பகுதி-3இல் ‘தமிழ் மொழி’ என்ற தலைப்பின் கீழ், மொழிபெயரியல்பு, மொழியின் முன் ஆணும் பெண்ணும் சமன், மொழியினால் அமைந்த வீடு, விபுலாநந்த அடிகளின் கலைச்சொல்லாக்க வழிமுறைகள், தமிழ் நடை மீட்சி, ஆங்கிலத்திலிருந்து தமிழுக்கு ஆகிய கட்டுரைகளும், பகுதி-4இல் ‘கிரேக்கச் சிந்தனை’ என்ற தலைப்பின் கீழ் பொலிகுதிரை ஈந்த அரியணை, மீனுடன் மீண்ட கணையாழி, அந்தப்புரம், சாக்கிரட்டீஸ் ஒரு மீள்நோக்கு ஆகிய கட்டுரைகளும் இடம்பெற்றுள்ளன. ஈழத்தில் பிறந்து கனடாவில் வசிக்கும் மணி-வேலுப்பிள்ளையின் ஆறாவது நூல் இது.
