சாமிநாதன் விமல், பராக்கிரம கிரியெல்ல. ராஜகிரிய: மக்கள் களரி வெளியீடு, 238 ஏ, ராஜகிரிய வீதி, 1வது பதிப்பு, 2013. (கொழும்பு 6: குமரன் புத்தக இல்லம், 39, 36ஆவது ஒழுங்கை).
266 பக்கம், விலை: குறிப்பிடப்படவில்லை, அளவு: 21.5×14.5 சமீ., ISBN: 978-955-1837-04-4.
இந்நூல் சிங்கள நாடகக் கலையை அதன் வரலாற்றினை நோக்கிய பார்வையுடன் அறிமுகப்படுத்த எடுக்கும் முயற்சியின் முதல் நடவடிக்கையாக அமைந்துள்ளது. இந்நூலில் 13 இயல்களில் பன்னிரு நாடகக் கலை ஆளுமைகள் பற்றிய வாழ்வும் பணியும் பற்றிய கட்டுரைகள் இடம்பெற்றுள்ளன. “மனமே நாடகத்திற்கு முந்திய சிங்கள நாடக நடைமுறைகள்” என்ற அறிமுகக் கட்டுரை முதலாவதாகவும், தொடர்ந்து பேராசிரியர் எதிரிவீர சரச்சந்திர, தம்ம ஜாகொட, எஸ்.கருணாரத்ன, சந்திரசேன தஸநாயக்க, ஹென்றி ஜயசேன, தயாநந்த குணவர்த்தன, குணசேன கலப்பத்தி, சுகதபால டி சில்வா, ஆர்.ஆர்.சமரகோன், பேராசிரியர் சுனந்த மஹேந்திர, காமினி ஹத்தொடுவேகம, பந்துல ஜயவர்த்தன ஆகிய பன்னிரு ஆளுமைகள் பற்றி தனித்தனி இயல்களாகவும் வழங்கப்பட்டுள்ளன.
