கந்தையா சர்வேஸ்வரன். யாழ்ப்பாணம்: தொழில்துறை மற்றும் பட்டப் படிப்பகம், School of Professional and Degree Studies, கட்டப்பிராய், கோப்பாய் தெற்கு, கோப்பாய், 1வது பதிப்பு, ஓகஸ்ட் 2018. (யாழ்ப்பாணம்: மதி கலர்ஸ், 15/2B, முருகேசர் ஒழுங்கை, நல்லூர்).xxii, 555 பக்கம், விலை: ரூபா 2000., அளவு: 21×15.5 சமீ., ISDN: 978-955- 35924-0-8. கலாநிதி கந்தையா சர்வேஸ்வரன் தனது கலாநிதிப் பட்டத்திற்கான ஆங்கில மொழியில் மேற்கொண்ட ஆய்வேட்டின் தமிழாக்கமாக இந்நூல் வெளிவந்துள்ளது. மிதவாத இனத்துவக் கட்சிகளின் எழுச்சியும் சரிவும்-ஒரு கோட்பாட்டியல் வரையறை, காலனித்துவ காலத்தில் இனத்துவ அரசியல், தமிழர் விடுதலைக் கூட்டணியின் தோற்றம்-ஓர் அரசியல் பின்னணி (1947-1976), தமிழர் விடுதலைக் கூட்டணியும் ஈழமும், சூடுபிடித்த களத்தில் செல்வாக்கிழந்த மிதவாதம், இருப்பிற்கான போராட்டம் (1987-2000), தமிழ் மிதவாதம் புகட்டும் பாடங்கள் ஆகிய ஏழு அத்தியாயங்களில் இந்நூல் விரிவாக எழுதப்பட்டுள்ளது. பின்னிணைப்புகளாக பேராசிரியர் சகாதேவனின் அணிந்துரையின் ஆங்கில மூலம், ஈழ தேசிய விடுதலை முன்னணி புரிந்துணர்வு ஒப்பந்தம் (ஆங்கிலம்), உசாத்துணை நூற்பட்டியல் ஆகியனவும் இடம்பெற்றுள்ளன. 1960ஆம் ஆண்டு கட்டப்பிராயில் பிறந்த கந்தையா சர்வேஸ்வரன், 1981இல் யாழ்ப்பாணப் பல்கலைக் கழகத்தில் அரசியல் விஞ்ஞான சிறப்புக் கலைமாணிப் பட்டப்படிப்பைத் தொடங்கியவர். இனமோதல் காரணமாக கல்வியைத் தொடரும் நோக்கில் தமிழகம் சென்று, சென்னைப் பல்கலைக்கழகத்தில் தனது பட்டப்படிப்பைத் தொடர்ந்து முடித்தவர். 1988இல் டெல்லி ஜவஹர்லால் நேரு பல்கலைக்கழகத்தில் அரசறிவியல் முதுமாணிப் பட்டத்தையும், 2005இல் சர்வதேச உறவுகள் துறையில் கலாநிதிப் பட்டத்தையும் பெற்றவர். 1994முதல் கொழும்புப் பல்கலைக்கழகத்தில் அரசறிவியல்துறை விரிவுரையாளராகப் பணியாற்றியவர். பின்னாளில் வட மாகாண கல்வி, பண்பாட்டலுவல்கள், விளையாட்டுத்துறை, இளைஞர் விவகார அமைச்சராகப் பணியாற்றியவர்.
Pixies Of your Forest Slot Advice and you will Where you are able to Play IGT
Content Slot Napoleon Rtp | Pixies of your Tree on the web condition game Pixies of your Forest II Online video Video slot Remark Pixies
