தை.தனராஜ். கொழும்பு 6: குமரன் புத்தக இல்லம், இல. 39, 36வது ஒழுங்கை, 1வது பதிப்பு, 2011. (கொழும்பு 6: குமரன் புத்தக இல்லம், இல. 39, 36வது ஒழுங்கை).
xii, 128 பக்கம், விலை: ரூபா 350.00, அளவு: 21.5×15 சமீ., ISBN: 978-955-659-296-2.
நவீன முகாமையியலில் மாற்றங்கள் பல நிலைகளிலும் பலதளங்களிலும் ஆய்வுகளுக்கு உட்படுத்தப்படுகின்றன. பெருமளவிலான நூல்களும் ஆய்வுகளும் ஆங்கிலத்தில் வெளிவந்துகொண்டிருக்கின்றன. தமிழில் இத்துறையில் முகாமை நோக்கையும், கல்வி நோக்கையும் ஒன்றிணைத்து வெளியிடப்படும் முதல் நூலாகவும் முன்னோடி நூலாகவும் இந்நூல் அமைந்திருத்தல் குறிப்பிடத்தக்கது. இந்நூல் – அறிமுகம், மாற்றமும் மாற்ற முகாமைத்துவமும், மாற்றம்-ஒரு வரலாற்று நோக்கு, மாற்றங்களின் வகைகள், மாற்றங்களை ஏற்படுத்தும் காரணிகள், மாற்றங்களுக்கான எதிர்ப்பும் அவற்றை வெற்றிகரமாகக் கையாள்தலும், மாற்றங்களை ஏற்படுத்தல்-சில மாதிரிகைகள், தனியாள் மாற்ற முகாமைத்துவம், மாற்றமும் நிறுவனக் கலாச்சாரமும், மாற்றமும் தலைமைத்துவமும் ஆகிய 10 இயல்களில் எழுதப்பட்டுள்ளது. கல்விப்புலத்தில் நான்கு தசாப்த காலத்துக்கும் மேலான அனுபவம் மிக்க தை.தனராஜ் இலங்கை திறந்த பல்கலைக்கழகத்தின் கல்விப்பீடத்தில் முதுநிலை விரிவுரையாளராகப் பணியாற்றுகின்றார்.
