மன்னார் அமுதன். மன்னார்: மன்னார் எழுத்தாளர் பேரவை, புனிதவளனார் மாணவர் இல்லம், 130, வைத்தியசாலை வீதி, 1வது பதிப்பு, ஏப்ரல் 2011. (தெகிவளை: ஏ.ஜே.பிரின்ட்ஸ், 44 ஸ்டேஷன் வீதி).
xiv, 86 பக்கம், விலை: ரூபா 250., அளவு: 21×15 சமீ., ISBN: 978-955-53168-0-4.
விட்டு விடுதலை காண் கவிதைத்தொகுதியை வழங்கிய ஆசிரியரின் இரண்டாவது கவிதைத் தொகுப்பு இதுவாகும். சமகால சமூகம், அரசியல், காதல், சாதியம் எனப் பல்வேறு தொனிப்பொருள்களில் இவரது கவிதைகள் வெளிப்படுகின்றன. மரபுக்கவிதை, புதுக்கவிதை என இரண்டிலும் தன் முயற்சியை மேற்கொண்டுள்ளார். சமூகச் சீர்கேடுகள், இன்றைய விலையேற்றம், வறுமைநிலை, தமிழின் அவலக்கதி, வரலாறு-காவியம் பற்றிய தொடுகை என்று வித்தியாசமான கோணங்களில் இயற்றப்பட்ட இவரது ஐம்பது கவிதைகள் இத்தொகுப்பில் காணப்படுகின்றன. (இந்நூல் யாழ்ப்பாணப் பொது நூலகத்தில் பார்வையிடப்பட்டது. சேர்க்கை இலக்கங்கள் 218673, 245124).
