மீசாலையூர் அ.கி.ஏரம்பமூர்த்தி. யாழ்ப்பாணம்: அ.கி.ஏரம்பமூர்த்தி, மீசாலை, 1வது பதிப்பு, 2006. (யாழ்ப்பாணம்: பாரதி பதிப்பகம், 430, காங்கேசன்துறை வீதி).
x, 44 பக்கம், சித்திரங்கள், விலை: குறிப்பிடப்படவில்லை, அளவு: 20×14 சமீ.
1964ம் ஆண்டில் செந்தமிழ்க் கீதமாலை என்ற தலைப்பில் தமிழிசைப் பாடல் நூலொன்றை பண்டிதமணி கணபதிப்பிள்ளையின் அணிந்துரையுடன் வழங்கியவர் இந்நூலாசிரியர். இது இவரது நான்காவது நூலாகும். அன்னை தந்தை பாதம் கும்பிடுவோம் என்று தொடங்கி, சின்னஞ்சிறிய பிள்ளைகள் நாம், ஆட்டுக்குட்டி, மாம்பழம், கோழி, பந்து, சின்னத்தம்பி, பம்பரம், பட்டம் பறக்குது பார், பாட்டுப் பாடுவோம், எங்கள் வீட்டுப் பூனைக்குட்டி என்ற வாறக 36 தலைப்புகளில் சிறுவர் பாடல்களை இசையுடன் பாடுவதற்கேற்றவாறு எழுதித் தொகுத்திருக்கிறார். (இந்நூல் யாழ்ப்பாணப் பொது நூலகத்தில் பார்வையிடப்பட்டது. சேர்க்கை இலக்கம் 202372).
