எஸ்.தில்லைநாதன். நுகேகொட: சரசவி வெளியீட்டாளர்கள், 1/3, ஸ்டான்லி திலகரத்ன மாவத்தை, 1வது பதிப்பு, ஜனவரி 2011. (நுகேகொட: சரசவி பதிப்பகம்).
216 பக்கம், புகைப்படங்கள், விலை: குறிப்பிடப்படவில்லை, அளவு: 22×15 சமீ., ISBN: 978-955-671-260-5.
இலங்கையின் ஜனாதிபதி மஹிந்த ராஜபக்ஷவின் (பேர்சி மகேந்திரா மஹிந்த ராஜபக்ஷ, பிறப்பு: 18-11-1945) வாழ்க்கை வரலாற்றை, அவரது வாழ்வின் முக்கிய நிகழ்வுகளை உள்ளடக்கியதாக இந்நூலை எழுதியிருப்பவர் மூத்த ஊடகவியலாளரும் தினகரன் பத்திரிகையின் பிரதம ஆசிரியருமான கலாபூஷணம் எஸ்.தில்லைநாதன். முப்பது ஆண்டுக்கால யுத்தத்தினால் சின்னாபின்னமாகியிருந்த தாய்நாட்டில் மீண்டும் சமாதானத்தையும் இன ஐக்கியத்தையும் இன ஒருமைப்பாட்டையும் ஏற்படுத்தியமைக்காக ஜனாதிபதிக்கு இந்நூலை சமர்ப்பிப்பதாக நூலாசிரியர் தன் முன்னுரையில் குறிப்பிட்டுள்ளார். இலங்கையின் ஆறாவது ஜனாதிபதியாகப் பதவிவகிக்கும் மஹிந்த ஹம்பாந்தொட்டையைப் பிறப்பிடமாகக் கொண்டவர். ஸ்ரீலங்கா சுநதந்திரக் கட்சியின் அங்கத்தவராக அரசியலில் ஈடுபட்டவர். (இந்நூல் யாழ்ப்பாணப் பொது நூலகத்தில் பார்வையிடப்பட்டது. சேர்க்கை இலக்கம் 216668).
