பீ.நவரத்ன (சிங்கள மூலம்), பீலிக்ஸ் டீ.பிலிப் (தமிழாக்கம்). கொழும்பு 3: பிட்ரிஹ்-எபர்ட்-ஸ்டிவ்டுங், 14, ரொட்டுண்டா கார்டின்ஸ், 1வது பதிப்பு, ஆகஸ்ட் 1987. (அச்சக விபரம் தரப்படவில்லை).
172 பக்கம், விலை: குறிப்பிடப்படவில்லை, அளவு: 21×15 சமீ.
இது சிங்கள மொழிநூலின் நேரடி தமிழ் மொழிபெயர்ப்பாகும். இந்நூலாசிரியர் சம்பளச் சபை, வேதனாதிகள் நியாய சபைகளின் செயலாளராகப் பணியாற்றியவர். மொழிபெயர்ப்பாளரான பீலிக்ஸ் டீ.பிலிப் சட்ட வரைஞர் திணைக்களத்தைச் சேர்ந்தவர். சட்டவாக்கங்களைத் தமிழில் மொழிபெயர்ப்பதில் கைதேர்ந்த அனுபவமும் ஆற்றலும் விவேகமும் கொண்டவர். இந்நூல் வெளியிடப்படுவதன் பிரதான நோக்கமாக அமைவது, இலங்கையின் தொழிற்சங்கங்களைச் சேர்ந்த தமிழ் பேசும் அலுவலர்களுக்கு ஒரு கைநூலாகப் பயன்படுத்துவதேயாகும். (இந்நூல் கொழும்புத் தமிழ்ச்சங்க நூலகத்தில் பார்வையிடப்பட்டது. சேர்க்கை இலக்கம் 48599).
