கே.சங்கர ஐயர், சீ.இராமநாதன், எஸ்.செல்வநாயகம். கொழும்பு 6: விஜயலட்சுமி புத்தகசாலை, 248 காலி வீதி, வெள்ளவத்தை, 2வது பதிப்பு, ஒக்டோபர் 1974, 1வது பதிப்பு, மே 1968. (கொழும்பு 12: குமரன் அச்சகம், 201 டாம் வீதி).
(2),208 பக்கம், விளக்கப்படங்கள், விலை: ரூபா 12.00, அளவு: 21×13.5 சமீ.
விலங்கியலின் குழியவியல் (Cytology), பிறப்பரிமையியல் (Genetics), இழையவியல் (Histology) ஆகிய பிரதான பாடங்களை இத்தொகுதி உள்ளடக்குகின்றது. குழியவியலில் கலம், கலப்பிரிவு: புணரிப் பிறப்பு ஆகிய விடயங்களையும், பிறப்புரிமையியலில் மென்டலும் மென்டலின் விதிகளும், கொல் பரம்பரையலகுகள், மடங்கு எதிருருக்கள், ஒன்றையொன்று தாக்கல், இலிங்கத் துணிபும் இலிங்கமிணைந்த தலைமுறையுரிமையும், இணைப்பும் குறுக்குப் பரிமாற்றமும், தலைமுறையுரிமையாதலின் நிறமூர்த்தக் கொள்கை, விகாரம், பரம்பரையியலின் பொருளாதார முக்கியத்துவம் ஆகிய விடயங்களும், இழையவியலில் பாகுபாடு:மேலணி இழையம், தொடுப்பிழையம், தசையிழையம், நரம்பிழையம், இனப்பெருக்கவிழையம், சாயமிடுதலும் நிரந்தரத் தயாரிப்புகள் ஆக்கலும் ஆகிய விடயங்களும் விரிவாக விளக்கப்பட்டுள்ளன. (இந்நூல் யாழ்ப்பாணப் பொது நூலகத்தில் பார்வையிடப்பட்டது. சேர்க்கை இலக்கம் 85171).
